Сирек металдар зертханасы
Зертхана меңгерушісі
Шаяхметова Роза Абдрахмановна, т.ғ.к.
Зертхананың қызметі орталықтың жұмыс бағдарламаларымен және зертхананың тақырыптық жоспарларымен анықталады.
Зертхананың ғылыми-зерттеу қызметінің негізгі міндеттері мен бағыттары
- Ванадий мен сирек жер металдарын ала отырып, Қаратаудың Баласаускандық, Құрымсақ кен орындарының қара тақтатастарын өңдеу технологиясын әзірлеу. Зерттеу нәтижесі Баласаускандық кен орнында (2008-2014 жж.) жылына өнімділігі 15000 тонна кен өндіретін тәжірибелік-өнеркәсіптік учаскесін салу үшін технологиялық регламент әзірлеу және беру болды.
- Бишофит пен карналлиттің тауарлық магний өнімдерін ала отырып, хризотил-асбест техногендік шикізатын өңдеу технологиясын әзірлеу (2015-2020жж). Технология тәжірибелік-өнеркәсіптік сынақтардан сәтті өтті және «Қостанай минералдары» АҚ-да игеруге қабылданды. «Ғылым қоры» АҚ ҒҒТҚН коммерцияландыру жобасы шеңберінде «Қостанай минералдары» АҚ өндірістік алаңдарында бишофит пен карналлиттің өнеркәсіптік өндірісі ұйымдастырылды(объектіні пайдалануға қабылдау актісі 11.12.2020 ж.).
- Беріктігі жоғары және сирек металдармен легирлену технологиялылығы бар перспективалы титан қорытпаларын әзірлеу (2015-2024жж).
- Сирек және сирек жер элементтері негізінде пайдалану қасиеттері жоғары жаңа композициялық материалдар алу (2021-2023жж).
- Қазақстанның тотыққан магнезиялық–темірлі никель кендерін гидрометаллургиялық тәсілдермен өңдеудің кешенді технологиясын әзірлеу. (2023 - 2026).
- Зертхана қызметіндегі теория және практикасы саласында ғылыми кадрларды даярлау және біліктілігін арттыру (магистратура, PhD докторантура, ізденуші).
- Халықаралық және республикалық симпозиумдарға, конференцияларға, көрмелерге қатысу. Мақалаларды жариялау, патенттер беру, өнертабысқа, басқа да ғылыми еңбектерді басып шығару.
- Зертхананың ғылыми-зерттеу қызметін орындауға қатысты мәселелер бойынша ғылыми, өнеркәсіптік және басқа да ұйымдармен және кәсіпорындармен ынтымақтастықты жүзеге асыру.
Байланыс ақпараты:
Жандосов көш., 67, Алматы қаласы, Қазақстан Республикасы
+7-727-2590070 (ішкі. 131)
+7-707-1900058
